البرقع والنقاب ,,,,,,لييش؟؟

[كشكوشة]

قريت موضوع في احد المنتديات من كم يوم وحبيت انقلكم اياه ...

الموضوع عن النقاب والبراقع الي تلبسها النساء..المعروف أن لبس النقاب والبرقع لستر الوجه عن الرجال ... ومعروف أنه فيه بين الناس وبعض القبائل أن الحريم يلبسون النقاب بينهم وبين بعض .. ويذكر التقرير قصص عن نساء في نفس البيت البنت ما تشوف وجه أمها؟؟؟؟ والولد مايشوف وجه أمه ...؟؟؟؟
جامعي ماشاف وجه أمه الا ثلاث مرات !!!!!..
حتى أن الزوج ما يشوف وجه زوجته الا مره وحده..ليلة الدخلة فقط!!! يظلون سنين مع بعض أسرة واحدة تحت سقف بيت واحد,,,, الأب ما يعرف وجه زوجته أو بنته ؟؟

وش السبب ؟؟وش يمنع الأم والبنت أنهم وبين الأسرة الواحده انهم يكشفون الوجه وهم أم وأب أسرة واحدة محارم ليس بينه غريب؟

سمعت قصة من صديقة لي أنه أمراه ماتت فطلبوا من زوجها يتعرف عليها ,,,ما عرفها من وجهها ,,عرفها من شامة كانت على كتفها !!!!

ليش التشدد في ستر الوجه عن المحارم وستر الوجه ن النساء بينهم وبين بعض ؟؟؟؟

وش الفائدة أو الغرض من هذه العادات والتقاليد ؟أذا كان ديننا أباح الكشف أمام المحارم ؟؟فكيف بين الأم وولدها وبنتها وزوجها؟

أرجوا المشاركة ,,,وش رايكم في الموضوع ,,

دمتم بألف خير ,,

[Naser]

مشكوره اختي ع الموضوع الجميل والمحير والله

بصراحه ماعتقد هذا اكبر غلط مثل ما قلتي لا سمح الله حاله وفاه حادث اي شي يصير ما اعرف اهلي ليش بالله اذا مو محرم شي ثاني بس المحرم ليش ماعتقد ومابي افتحي فيها بس اعتقد انه مايصير

وتقبلي مروري

اخوج ناصر ":)

[Barcelona]

مو معقوله ،، شنو هل عادات البايخه


معقوله في انسان مايشوف امه وخواته ؟؟؟

مستحيل ،، واذا كان في ناس جذي

انا اول مره اسمع عنهم



وتسلمين كشكوشه

[كشكوشة]

العفو اخوي برشلونة

الله يعطيك العافية

[SamoOr]

لا مو لي درجة ان مايشوف امه وخواته


وانا شخصيا ما أايد فكرة النقاب


تحياتي

[كشكوشة]

مشكورة اختي الاسمرانية على مرورك

اخوي نصور واخوي برشلونة انتو الاثنين من التماسيح اللي لازم اشكرهم على ردودهم ومتابعتهم لجديدي

[Microsoft]

السلام عليكم ورحمة الله وبركاته

اصلا النقاب والبرقع صار موضه كشخه البنت الي تحس انها جيكره (مع احترامي للبنات)

تلبس نقاب وتخصر العباية علشان تجذب الشباب والله يعين الشباب مايصدقون يشوفون شي لابس عبايه ولا وراه وراه والبنت الي محتشمه يبين من لبسها لنقابها او برقعها ولبست عبايتها وبنات الحلال اكثر من .........

[Microsoft]

..............

[كشكوشة]

اخوي ميكروسوفت السموحة بس انت فاهم الموضوع غلط

احنا ما نقصد اللي يلبسون البرقع ويطلعون من البيت احنا نتكلم عن الناس اللي حتى في البيت
يعني الزوج ما يشوف وجه زوجته والولد ما يشوف وجه امه وخواته

الحمدلله على نعمة العقل

الله يهديهم

[.. كيفي كويتية ..]

عدل كلامج اختي كشكوشة انا سامعة في ناس جذي بس هذول انا اعتبرهم "يهال بالدين" مو عارفين عدل مو فاهمين حتى كلام ربهم لأن الله ما حرم الستر بس مو على المحارم والمحارم اهما"الاب - العم - الاخ- الخال - ابن الاخت - ابن الاخت" يعني مالة داعي المبالغة بكل هالحركات يعني يبيلهم توعية صراحة ..

[كشكوشة]

اي توعية اختي

هم ما يرضون احد يدخل مجتمعاتهم ولا يسمعون لحد هذي منطقة هم عايشين فيها بس عندهم شباب رافضين الفكرة وتكلموا عنها ولا محد يدري عنهم

الحمدلله والشكر هلون يترجمون ويفسرون الدين والقرآن والسنة النبوية؟؟؟؟؟؟؟؟؟

[.. كيفي كويتية ..]

هذا عيب اللي مو متعلم وهذي ميزة ان القرآن والله سبحانة حثونا على التعلم عشان نعرف بامور دينا ودنيانا ...

[كشكوشة]

في ناس ما يبون هالاشياء ويحبون يقعدون بالتخلف لي ما يموتون

الصراحة مدري شقول على قولة المثل شر البلية ما يضحك

[Microsoft]

السلام عليكم رحمة الله وبركاته

تصحيييييح : هذول ناس متخلفين عقليا ونفسيا

[MzaGe]

السلام عليكم


مشكوره كشكوشه على الموضوع ( لا تعليق ) :)



تقبلي مروري :)

[كشكوشة]

تسلم اخوي ميكروسوفت على التصحيح

مشكور اخوي مزاجي على المرور

[JoKeR]

لالالا مو لي هدرجه
تسلمين.

[رحال]

مشكوره اختي وتسلمين """""""" بس هذا مودين وماله شغل بالدين وقول للناس هذيل مو جذيه الاسلام وجه المرئه موحرام تسلمــــــــــــــــــــــــــــن

[BROOK]

مشكوره خيتو على هل الموضوع الروعه .

في حكمه تقول اذا سامعه فيها يقولج انه في ناس او فئه من البدو يبدون العادات والتقاليد على الدين .
هذا الي مخلي بعض الناس مو عارفه دينها من عاداتها وتقاليدها . وعسى الله يهدي كل مسلم ومسلمه .

يعطيج العافيه على هل المجهود .

تقبل مروري.

[Yab7r]

السلام عليكم

مادري شنو اقووول ..... بس انا مستغرب من الهجووم هذا يعني مافي واحد عطنا حل للموضوع
انا اقووول الناس هذي جهله وماتعرف شي وقاعده تمشي على العادات وتقاليد قديمه يمكن موجوده ويمكن مو موجوده انا ادري ان في ناس جذي بس مايستاهلون الهجوم هذا........
المهم انا اقول هذا جهل ولو هم متعلميين ماعتقد في يوم راح يتقطون على ازواجهم وعلى عيالهم ......

بس انشالله يلقون احد ينصحهم ويقولون الغلط من الصح

مشكووره ام كشكوش

((( الموضوع غير قابل للنقاش )))

وين الحل ؟؟؟؟

[كشكوشة]

اخواني
احمد
رحال
بروك

تسملون والله الموضوع منور بوجودكم

اخوي يا بحر

احنا مو هني علشان نعطيهم حل احنا اهني نناقش القضية لانه في ناس يأيدوون هذه الفكرة يمكن الله يهديهم اذا سمعوا آراء الناس وانفتحوا شوي

الحل عندنا انهم يرجعون للدين مو للعادات والتقاليد لانه ساعات في اشياء الناس تعودت تسويها وهي مو في الدين ولا في الشرع

هذا كل الموضوع

واتمنى اني قدرت اوصل لك فكرتي

الله يعطيك العافية على مرورك